موضوع مهم جدا عن الرام ايه هو و بيعمل ايه ؟؟؟

انا بكتب الموضوع ده لان الناس فمصر او عالموقع فاكرين الراام هو الحل الي لما تزودو اللعبه بقت احسن او اسرع او لو مش شغاله اللعبه عندي ف هزود رام عشان تشتغل الكلام ده كلو خطأ خطأ خطأ الا في حاله وحده هتكلم عليها فالموضوع تحت .. الرام مش معمول عشان يخليلك اللعبه زي م انت فاكر و اصلا البروسسر و كارت الشاشه عندك ميشغلوش حتى ماريو.. فانا هتكلم عن الرام تحت بطريقه بسيطه و نفهمها كلنا عشان ميجليش واحد عاملي فيها شغال فشركة Microsoft و يتفلسف عليا .. معلومه انا تخصصي IT .INFORMATION TECHNOLOGY الكلام ده دراستي ..

مبدأيا الرام هو الذاكره العشوائيه او المؤقته و هيا بتكون Volatile يعني متطايره او سريعة الزوال او متبخره يعني ايه الكلام ده بردو يعني الرام بيخزن حجات طول منا شغال على الجهاز لابتوب او ديسكتوب و اول مقفل الجهاز كل الي فالذاكره دي الي هيا فالرام بيروووح.. طيب ايه الحجات دي ايه الحجات دي اي حاجه بعملها او اي حاجه شغاله بتتخزن فيه حتى ال windows بياخد مساحه من الرام نفسو وانا مش مشغل اي حاجه بياخد من الرام طب نفهم من كده ايه ان الرام ده حاجه مهمه جداا للجهاز نفسو لو انا نظامي بفتح برامج تقيله و حجات كتير قوي او العاب او كده ف انا عايز رام اكتر ليه عايز رام اكتر يا ترى؟ مش عشان زي محنا فاكرين عشان اخلي اداء البرامج او الالعاب احسن لاطبعا السبب هو عشان اخلي أداء جهازي احسن.

طب انا عمال اقول ذاكره و مساحه و تخزين ليه طيب .. لان الرام عامل زي الهارد ديسك فكل حاجه و مختلف فحاجه و حده .. ايه هما بقى انا لو عندي هارد ديسك 500GB مثلا طب انا لو مليه عالاخر بس لسه فيه مساحه صغيره ايه الي بيحصل مش سرعة النقل عليه بتقل طب لو مليان مفهوش اي مساحه فاضيه نهائي هقدر انقل عليه حاجه لا طبعا ! و الكلام ده مش معتمد على الحجات الي مخزنها ايه معتمد على المساحه ايه الرام كده بالظبط .. نفرض ان عندي رم 4GB و شغلت لعبه خدت 3 رام وال windows نفرض واخد 500mb كده اتبقالي نص طب انا جيت شغلت مثلا browser خد 250mb كده اتبقالي فالرام 250mb بس طيب فالحاله دي احتمال الجهاز يهنج طبعا انت عشان فالوقت ده بتكون بتلعب بتفتكر انو بيأسر على اللعبه لا هو مأسر عالجهاز اصلا مخليه يهنج و مدام الجهاز بيهنج وش اي حاجه شغاله عليه هتهنج بما فيهم الالعاب .. طب نفرض ان ال 250mb دول الباقيين راحو ف اي حاجه اللعبه خدت زياده كمان ايه هيحصل الجهاااز كلو هيتشل هيقف تماما .. طيب ده معناه ان اي لعبه اي برنامج بياخد مساحه من الهارد ديسك و ساعة تشغيله بياخد كمان مساحه من الرام .. و زي مقلنا الرام و الهارد ديسك زي بعض ف ايه نقول الفرق الوحيد بنهم الي هو ان الهارد ديسك لما بقفل الجهاز shutdown او restart كل الي متخزن عليه بيفضل موجود لاكن الرام لا كل الي كان متخزن بيروح ..يعني عمرك متكون مشغل لعبه و تعمل shutdown وهيا لسه شغاله و تيجي تشغلو تاني تلاقيها لسه شغاله..من الفقره دي فهمنا حاجه ان الرام ما هو الا اداة تخزين وقتيه فقط.

طب ماشي بس فيه سؤال ليه شركات الالعاب بيجيب سيرة الرام ؟؟ .. بس عشان يقولك ان خد بالك اللعبه هتاخد من التخزين فالرام مساحه كزا و لو عندي اقل جهازي هيقف و لو عندي نفس المكتوب جهازي هيهنج او يقف و لو عندي اكتر من المكتوب ف معناه الجهاز هيشغلها و فيه مساحه فاضله تشغلو مرتاح ازا كان الباقي مش كتير .. او لو الباقي كتير شويه ف اقدر اشغل برامج كمان .. و ده يوصلنا بردو لمعنى تاني للرامالي هو امكانية الجهاز بتشغيل كام برنامج مع بعض فنفس الوقت يعني لو فرضنا ان ال 4gb بيشغلو 8 برامج نفس حجم بعض يبقى ال 8gb رام هيشغلولي 16 برنامج من نفس حجم ال شغلو ال 4gb رام.. و مصطلح برنامج معناه لعبه او بلاير او بروزر ايا كان ..

طيب سؤال تاني انا محتاج قد ايه رام طيب لجهازي؟؟ السؤال ده على حسب استخدامي للجهاز ايه يعني لو استخامي عادي برامج خفيفه فالمتوسط 4GB مع ان 2gb زي الفل للاستخدام ده و 6gb حلو لنفس الاستخدام عشان لو جيت فمره شغلت لعبه ولا جاجه او برنامج تقيل او برنامجين تقال .. دا يوصلنا ان احسن حاجه و اقل حاجه لتشغيل العاب او برامج تقيله بتاخد من الرام كتير بردو وفنفس الوقت اكون مريح الجهاز 6gb و المتوسط للاستخدام 8gb و طبعا 12gb مفيش احسن من كده اكتر من كده رام بقى مش لينا للناس الي بتصمم بقى الالعاب دي او البرامج التقيله دي .. انا جيمر واللاب بتاعي جيمنج اصلا و لاب بتاعي 12gb طبعا ده بيسمحلي لو عايز هشغل 3 العاب تقال جدا مع بعض و لعبه اخف و سايب كمان مساحه و مريحو.. كده انا خلصت ايه الرام و بيشتغل ازاي و ايه لزمتو.

ادخل بقى على ايه الحاله الي تخليني ازود الرام عشان اشغل لعبه او اخليها احسن .. بس قبل مقول ايه هيا لازم اقول ايه اساس تشغيل اللعبه و كلنا عارفنهم البروسسر و كارت الشاشه .. ده بقى معناه ان لو دول ضعاف و ميغلوش اللعبه يبقى الرام مهما زودت فيه ملهاش اي لازمه نهائي لاكن لاكن لو يغلو اللعبه كويس بس بتهنج يبقى ساعتها ابص عالرام طب لو يشغلو اللعبه بس اللعبه كل متشتغل بقف خالص ابص عالرام .. طبعا ده بعد متاكد ان اللعبه بتشتغل من غير مشاكل يعني ممكن اول متشتغل تعلق دي مشكله فالسوفت وير كراك او اي حاجه .. غير كده يبقى انا عارف ان السبب الرام .. ده معناه ان اخر حاجه ابص عليها فلعبه الرااام >> اهم حاجه اشوف ال requirment ايه فالبروسسر و الكارت الاول كلو تمام اشوف بقى عندي مساحه فالهارد ديسك اه عندي وبعدين ابص عالرام و معلومه اللعبه ديما بتاخد اقل من المكتوب و سعات اقل بكتير فبعد مشوف بروسسر و كارت شاشه و هارد ديسك انزلها بعدين اشوف حكايه الرام ايه اللعبه بتهنجلي الجهاز او بتوقفو ولا لا .. و طبعا عمري مشفت واحد عندو بروسسر و كارت حلو و رام قليل امال انت جايب ليه بروسسر وكارت شاشه حلوين و الرام يدوب شغلت حاجه اتنين وقف الجهاز .. طبعا الكلام الاخير ده مينطبقش عالناس الي هنافالموقع او المصريين لان بشوف اجهزه بمواصفات متشغلش ماريو و يجي يقولك Crysis 3 مش شغاله عندي ليييه ولا بطيئه .. انت سؤالك ده حقيقي و تقولو الجهاز بتاعك ضعيف يقولك خلاص هزود الرام رااام ايييييه يا عم جهازك لسه pentium duel core !! ده ماريو حلوه عليه اوييي >> و بما ان موضوعي عن الرام فمش هتكلم ايه اقل حاجه لبروسسر و كارت شاشه كويس و لان كمان الايام دي كروت الشاشه تقريبا بتتعمل عالالعاب او الاختيار بق شويه على انا عايز كارت شاشه يشغلي اللعبه كزا على الترا مثلا فموضووع طويل .. و عماتا كل لعبه بتكتب ايه يشغلها و خلاص و ايه يشغلها احسن حاجه ف انت من هنا هتعرف ايه الكويس و ايه الوحش و ايه اقل حاجه و ايه احسن حاجه.

يارب اكون وصلت المعلومه و اعزروني على اي تقصير و لو موضوعي مش مترتب شويه لان او مره اكتب موضوع فعلا .

و مواصفات my laptop فالصوره و هو Gaming laptop و اسمو MSI GE60 2OE